Submitted by Praveen on Sat, 01/21/2012 - 15:40
മലയാളിയായ ചാര്ളി ഇപ്പോള് സ്പെയിനിലാണ്. പോയതല്ല, പെട്ടതാണ്. കലാകാരനായ ചാര്ളി പരിപാടിക്ക് വേണ്ടിയാണ് സ്പെയിനിലേക്ക് പോയത്. പക്ഷേ തിരിച്ചുവരാന് കഴിഞ്ഞില്ല. ഒറ്റയ്ക്ക്, ഭാഷയറിയാതെ, പരിചയക്കാരില്ലാതെ അന്യരാജ്യത്ത് എത്തപ്പെട്ട ചാര്ളി ഒടുവില് അവിടെ തന്നെ ജീവിക്കാന് തീരുമാനിച്ചു. പ്രശ്നങ്ങളുടെ നടുവില് ജോലി നേടാന് ഇറങ്ങിത്തിരിച്ച ചാര്ളി ദുരിതങ്ങള്ക്കിടയില് യാദൃച്ഛികമായി കമീല എന്ന പെണ്കുട്ടിയെ പരിചയപ്പെടുന്നു. കമീല ചാര്ളിക്ക് ആശ്വാസവും വഴികാട്ടിയുമായി മാറുന്നു.
Submitted by Praveen on Sat, 01/21/2012 - 15:34
ബഷീറിന്റെ 'ബാല്യകാല സഖി' ചലച്ചിത്രമാകുമ്പോള് പുതിയ അഭിനേതാക്കള്ക്ക് അവസരം നല്കുമെന്ന് സംവിധായകന് പ്രമോദ് പയ്യന്നൂര് പത്രസമ്മേളനത്തില് പറഞ്ഞു.കേന്ദ്രകഥാപാത്രമായ മജീദിനെ മമ്മൂട്ടി അവതരിപ്പിക്കും.സുഹ്റയെ തീരുമാനിച്ചിട്ടില്ല. സ്കൂള്,കോളേജ് തലത്തില് നിന്ന് പത്ത് പേര്ക്ക് വീതവും,തീയറ്റര്,രംഗകല മേഖലകളില് നിന്ന് 15 പേര്ക്കുമാണ് ബഷീര് കഥാപാത്രങ്ങളാകാന് അവസരം ഒരുങ്ങുന്നതെന്ന് അദ്ദേഹം പറഞ്ഞു.
Submitted by Praveen on Sat, 01/21/2012 - 15:28
മോഹന്ലാല് പ്രിയദര്ശന്റെ അറബിയും ഒട്ടകവും പി മാധവന് നായരും സൂപ്പര് ഹിറ്റ് കളക്ഷന് നേടി മുന്നേറ്റം തുടരുന്നു.
Submitted by Praveen on Sat, 01/21/2012 - 15:21
തന്നിലെ നടന് മരിച്ചിട്ടില്ലെന്നും അങ്ങനെ പ്രഖ്യാപിച്ചവരുടെ ബുദ്ധിയാണ് മരിച്ചതെന്നും തിലകന്. ഒരു ഇടവേളയ്ക്ക് ശേഷം തിലകന് പ്രസ്താവനകളിലൂടെ വീണ്ടും ചര്ച്ചാവിഷയമാകുകയാണ്. തന്റെ സ്വാതന്ത്ര്യത്തെ ഹനിച്ചവര്ക്കുള്ള മറുപടിയാണ് ‘ഇന്ത്യന് റുപ്പി’ എന്നും തിലകന് പറയുന്നു.
“എന്നെ വിലക്കിയവരോട് എനിക്ക് പ്രതികാരമുണ്ടായിരുന്നു. അതാണ് ഇന്ത്യന് റുപ്പിയിലെ മികച്ച പ്രകടനമായി മാറിയത്. എന്നെ പുറത്താക്കിയവര് കാണട്ടെ ഇന്ത്യന് റുപ്പി” - തിലകന് വെല്ലുവിളിക്കുന്നു.
Submitted by Anonymous (not verified) on Sat, 01/21/2012 - 15:13
സത്യന് എന്ന മഹാനടന് അഭിനയിച്ച ഹിറ്റ് ചിത്രം വാഴ്വേമായം മലയാളത്തില് വീണ്ടും ഒരുക്കുന്നു. സത്യന് അവതരിപ്പിച്ച കഥാപാത്രത്തെ വീണ്ടും വെള്ളിത്തിരയിലെത്തിക്കുന്നത് ലാല് ആണെന്നാണ് ഏറ്റവും പുതിയ റിപ്പോര്ട്ട്.
കെ എസ് സേതുമാധവന് സംവിധാനം ചെയ്ത ‘വാഴ്വേമായം’ 1970ലാണ് റിലീസായത്. സത്യനും ഷീലയുമായിരുന്നു ജോഡി. മലയാളത്തില് തകര്പ്പന് വിജയം നേടിയ വാഴ്വേമായം തമിഴിലേക്ക് റീമേക്ക് ചെയ്തപ്പോള് കമലഹാസനായിരുന്നു നായകന്. നാലു പതിറ്റാണ്ടുകള്ക്ക് ശേഷം വാഴ്വേമായം മലയാളത്തില് വീണ്ടും എടുക്കുമ്പോള്, തോപ്പില് ഭാസിയുടെ രചനയ്ക്ക് കാലികമായ മാറ്റങ്ങളോടെ ബാബു ജനാര്ദ്ദനന് തിരക്കഥ തയ്യാറാക്കുന്നു.
Submitted by Praveen on Sat, 01/21/2012 - 15:01
അനൂപ് മേനോന് ഭാവിയിലെ പത്മരാജനോ രഞ്ജിത്തോ ആണെന്നൊരു സംസാരം ഇപ്പോള് തന്നെ സിനിമാലോകത്തുണ്ട്. വ്യത്യസ്തവും ഊര്ജ്ജസ്വലവുമായ തിരക്കഥകളുമായി അനൂപ് മേനോന് തിളങ്ങുകയാണ്. കോക്ടെയില്, ബ്യൂട്ടിഫുള് എന്നീ സിനിമകള് പ്രേക്ഷകപ്രീതി നേടിയപ്പോള് തിരക്കഥാകാരന് എന്ന നിലയില് അനൂപ് എല്ലാ സംവിധായകരുടെയും ഫസ്റ്റ് ചോയ്സായി മാറി.
