ചന്ദ്രേട്ടന്‍ എവിടെയാ...മെയ് ഒന്നിന്‌

ദിലീപ്, നമിതപ്രമോദ്, അനുശ്രീ നായര്‍ എന്നിവരെ പ്രധാന താരങ്ങളാക്കി സിദ്ധാര്‍ഥ് ഭരതന്‍ സംവിധാനം ചെയ്യുന്ന 'ചന്ദ്രേട്ടന്‍ എവിടെയാ...' മെയ് ഒന്നിന് തിയേറ്ററിലെത്തുന്നു.
ഹാന്‍ഡ് മെയിഡ് ഫിലിംസിന്റെ ബാനറില്‍ ആഷിഖ് ഉസ്മാന്‍, സമീര്‍ താഹിര്‍, ഷൈജു ഖാലിദ് എന്നിവര്‍ ചേര്‍ന്ന് നിര്‍മിക്കുന്ന ഈ ചിത്രത്തില്‍ മുകേഷ്, സുരാജ് വെഞ്ഞാറമ്മൂട്, ചെമ്പന്‍ വിനോദ് ജോസ്, സൗബിന്‍, വിനായകന്‍, ദിലീഷ് പോത്തന്‍, പാഷാണം ഷാജി, ദിലീഷ് നായര്‍, കെ.പി.എ.സി. ലളിത, വീണാ നായര്‍ തുടങ്ങിയവരും അഭിനയിക്കുന്നു.

ജയസൂര്യയുടെ ജിലേബി

ജയസൂര്യ, രമ്യ നമ്പീശന്‍ എന്നിവരെ പ്രധാന കഥാപാത്രങ്ങളാക്കി നവാഗതനായ അരുണ്‍ ശേഖര്‍ തിരക്കഥയെഴുതി സംവിധാനം ചെയ്യുന്ന ചിത്രമാണ് 'ജിലേബി'. വിജയരാഘവന്‍, ധര്‍മജന്‍ ബോള്‍ഗാട്ടി, ശശി കലിംഗ, കെ.പി.എ.സി. ലളിത, ശാരി, മഞ്ജു, മാസ്റ്റര്‍ ഗൗരവ് മേനോന്‍, മാസ്റ്റര്‍ മിനോന്‍, ബേബി സയൂരി അരുണ്‍ തുടങ്ങിയവരാണ് മറ്റു പ്രധാന താരങ്ങള്‍. 'മൈ ബോസി'നുശേഷം ഈസ്റ്റ്‌കോസ്റ്റ് കമ്യൂണിക്കേഷന്‍സിന്റെ ബാനറില്‍ വിജയന്‍ ഈസ്റ്റ് കോസ്റ്റ് നിര്‍മിക്കുന്ന ഈ ചിത്രത്തിന്റെ ഛായാഗ്രഹണം ആല്‍ബി നിര്‍വഹിക്കുന്നു. സന്തോഷ് വര്‍മ, വിജയന്‍ ഈസ്റ്റ്‌കോസ്റ്റ് എന്നിവരുടെ വരികള്‍ക്ക് ബിജിബാല്‍ സംഗീതം പകരുന്നു

ദിലീപും മംമ്തയും വീണ്ടും

ഷാഫി സംവിധാനം ചെയ്യുന്ന പുതിയ ചിത്രത്തില്‍ ദിലീപും മംമ്തയും ഒന്നിക്കുന്നു. പാസഞ്ചര്‍, അരികെ, ബിഗ് ബോസ്, എന്നീ ചിത്രങ്ങള്‍ക്ക് ശേഷം ദിലീപും മംമ്തയും ഒന്നിക്കുന്ന ചിത്രം രജപുത്ര രഞ്ജിത്താണ് നിര്‍മിക്കുന്നത്. ചിത്രത്തിന്റെ അണിയറ പ്രവര്‍ത്തനങ്ങള്‍ പുരോഗമിക്കുന്നു. മുകേഷ്, സുരാജ് വെഞ്ഞാറമ്മൂട്, അജു വര്‍ഗീസ്, എന്നിവര്‍ക്കൊപ്പം തിരക്കഥാകൃത്തും സംവിധായകനുമായ റാഫിയും ചിത്രത്തില്‍ അഭിനയിക്കുന്നു. തിരക്കഥ: റാഫി. ഛായാഗ്രഹണം: ശ്യം ദത്ത്. സംഗീതം: ഗോപിസുന്ദര്‍.

ഭാസ്‌കര്‍ ദ റാസ്‌കല്‍ ബോളിവുഡിലേക്ക്‌

മമ്മൂട്ടിയെ നായകനാക്കി സിദ്ധിഖ് സംവിധാനം ചെയ്ത പുതിയ ചിത്രം ഭാസ്‌കര്‍ ദ റാസ്‌കല്‍ ബോളിവുഡിലേക്ക്. ചിത്രം ഹിന്ദിയിലേക്ക് റീമെയ്ക്ക് ചെയ്യാനുള്ള ഒരുക്കത്തിലാണ് സംവിധായകന്‍ സിദ്ധിഖെന്നാണ് റിപ്പോര്‍ട്ടുകള്‍.

മലയാളത്തില്‍ ദിലീപിനെ നായകനാക്കി എടുത്ത ബോഡിഗാര്‍ഡ് എന്ന ചിത്രം നേരത്തേ സിദ്ധിഖ് ഹിന്ദിയിലേക്ക് റീമെയ്ക്ക് ചെയ്തിരുന്നു. ഹിന്ദിയില്‍ സൂപ്പര്‍സ്റ്റാര്‍ സല്‍മാന്‍ ഖാനും കരീന കപൂറും പ്രധാന കഥാപാത്രങ്ങളെ അവതരിപ്പിച്ച ചിത്രം 100 കോടിയിലേറെ കളക്ഷന്‍ നേടുകയും ചെയ്തു.

ആരോടും പരിഭവമില്ല, ആരോപണങ്ങളില്‍ ദുഖമുണ്ട് -മോഹന്‍ലാല്‍

തിരുവനന്തപുരം: ദേശീയ ഗെയിംസിന്റെ ഉദ്ഘാടന ചടങ്ങിനോടനുബന്ധിച്ച് അരങ്ങേറിയ 'ലാലിസം' എന്ന തന്റെ നേതൃത്വത്തില്‍ നടന്ന പരിപാടിയേക്കുറിച്ച് ആരോപണമുയര്‍ന്നതില്‍ ദുഖമുണ്ടെന്ന് നടന്‍ മോഹന്‍ലാല്‍.

രഞ്‌ജിത്തിന്റെ മമ്മൂട്ടി-രഞ്‌ജിത്ത്‌ശങ്കര്‍ ചിത്രത്തിന്റെ പേര്‌ വര്‍ഷം

നിര്‍മ്മാതാവ്‌ രഞ്‌ജിത്തിന്‌ വേണ്ടി സുപ്പര്‍താരം മമ്മൂട്ടിയും സംവിധായകന്‍ രജ്‌ഞത്‌ ശങ്കറും ഒന്നിക്കുന്ന ചിത്രത്തിന്‌ വര്‍ഷം എന്ന്‌ പേരിട്ടു. നവ സംവിധായകരില്‍ ഏറെ ശ്രദ്ധേയനായ രഞ്‌ജിത്ത്‌ ശങ്കര്‍ മമ്മൂട്ടിയെ വെച്ച്‌ ആദ്യം ചെയ്യുന്ന ചിത്രമാണിത്‌. ജൂണില്‍ ചിത്രീകരണം തുടങ്ങും. പൂജയ്‌ക്ക് റിലീസ്‌ ചെയ്യാനാണ്‌ പദ്ധതി.

'സ്വപാന'ത്തില്‍ അവസരം ലഭിച്ചത്‌ ഭാഗ്യമാണെന്ന്‌ ജയറാം

ഷാജി എന്‍ കരുണിന്റെ സ്വപാനത്തില്‍ അഭിനയിക്കാന്‍ അവസരം ലഭിച്ചത്‌ തന്റെ ഭാഗ്യമാണെന്ന്‌ നടന്‍ ജയറാം പറഞ്ഞു. ഷാജി എന്‍ കരുണിനെ പോലൊരു സംവിധായകന്‍ തന്നെ നായകനാക്കിയതു തന്നെ അഭിമാനകരമായ കാര്യമാണെന്നും ജയറാം കൂട്ടിച്ചേര്‍ത്തു. സ്വപാനത്തിലെ ഉണ്ണി എന്ന കഥാപാത്രം ജയറാമിന്‌ ഏറെ പ്രശംസ നേടിക്കൊടുത്തിരുന്നു.

യുവനടന്‍ അജു വര്‍ഗീസ്‌ വിവാഹിതനായി

യുവ നടന്‍ അജു വര്‍ഗീസ്‌ വിവാഹിതനായി. കൊച്ചിയില്‍ ഫാഷന്‍ ഡിസൈനറായ അഗസ്‌റ്റീന മനുവാണ്‌ അജുവിന്റെ ജീവിതത്തിലെ നായികയായത്‌. എറണാകുളം കടവന്ത്രയിലെ എളംകുളം പള്ളിയില്‍ വച്ച്‌ ഇന്നലെയാണ്‌ ഇരുപത്തൊന്‍പതുകാരനായ അജു അഗസ്‌റ്റീനയുടെ കഴുത്തില്‍ മിന്നുചാര്‍ത്തിയത്‌.

ഫഹദ്‌-നസ്രിയ എന്‍ഗേജ്‌മെന്റെ്‌ ഫെബ്രുവരിയില്‍

മലയാള സിനിമാ ലോകത്തെ ഹോട്ട്‌ ടോപിക്ക്‌ ആണ്‌ ഫഹദ്‌ ഫാസില്‍ - നസ്രിയ നസീം വിവാഹം. ഇവരുടെ കുടുംബങ്ങള്‍ തീരുമാനിച്ച വിവാഹത്തിന്‌ ഇരുവരും സമ്മതം മൂളുകയായിരുന്നു. ഓഗസ്‌റ്റില്‍ വിവാഹമുണ്ടാകുമെന്ന്‌ പ്രഖ്യാപിച്ചിരുന്നെങ്കിലും എന്‍ഗേജ്‌മെന്റെ്‌ എന്നായിരിക്കുമെന്ന്‌ വിവാഹവാര്‍ത്ത പ്രഖ്യാപിച്ച ഫഹദിന്റെ പിതാവ്‌ വ്യക്‌തമാക്കിയിരുന്നില്ല. എന്നാല്‍ ഇവരുടെ ഔദ്യോഗിക വിവാഹ നിശ്‌ചയം ഈ മാസമുണ്ടാകുമെന്നാണ്‌ വാര്‍ത്തകള്‍. നസ്രിയയുടെ പിതാവ്‌ നസീമാണ്‌ എന്‍ഗേജ്‌മെന്റെ്‌ വാര്‍ത്ത പുറത്തുവിട്ടത്‌. നസ്രിയുടെ നാടായ തിരുവനന്തപുരത്തു വച്ചായിരിക്കും ചടങ്ങെന്നും നസീം പറഞ്ഞു.

'ബാല്യകാല സഖി'യില്‍ മമ്മൂട്ടിയുടെ അഞ്ച്‌ വേഷപ്പകര്‍ച്ചകള്‍

കഥാപാത്രത്തിന്റെ പൂര്‍ണ്ണതയ്‌ക്കായി എന്തു ത്യാഗവും ചെയ്യാന്‍ തയ്യാറുള്ള നടനാണ്‌ മമ്മൂട്ടി. അതുപോലെ കഥാപാത്രമായി മാറാനുള്ള അദ്ദേഹത്തിന്റെ കഴിവും ദേശീയതലത്തില്‍ തന്നെ അംഗീകരിക്കപ്പെട്ടിട്ടുള്ളതാണ്‌. വിധേയനും അംബേദ്‌കറും മുതല്‍ പാലേരിമാണിക്യം വരെയുള്ള സിനിമകളില്‍ പ്രേക്ഷകര്‍ അതു കണ്ടിട്ടുണ്ട്‌. എന്നാല്‍ ഇപ്പോള്‍ ഒരു ചിത്രത്തില്‍ തന്നെ വ്യത്യസ്‌തമായ അഞ്ച്‌ വേഷങ്ങളിലെത്തുകയാണ്‌ മലയാളത്തിന്റെ മെഗാസ്‌റ്റാര്‍.

Pages

Like on Facebook

Trailers

On Twitter

Latest Posts